Patay diha-diha ang usa ka studyante nga grade 7 nga si Jeann Adaro, Quitoan, 13 anyos, human nahitabong disgrasya niadtong nakalabayang adlaw bandang 3:40Pm didto sa may brgy. Seroan, sakop sa lungsod sa Katipunan, ning probinsya.
Ang de pasaherong sakyanan nga naaksidente kolor green nagtangag sa plaka numero JVE ug gimaneho ni Rex Abuhan, 29 anyos, nagpuyo sa barangay Seres, Katipunan, ZDN.
Sa pasiunang imbistigasyon sa kapulisan sa katipunan ang maong pampasaherong sakyanan naglawig kini gikan sa brgy. Dos padulong sa brgy. Seroan ug kargado kini pasahero ug mga ug mga pinalit nga dry goods, pag abot sa lugar nahitaboan ang maong sakyanan wala kini naka tangas sa subidahon nga dalan hinungdan nga mi atras kini tungod kay wala nakaya sa paghawid sa brake sa maong sakyanan, maayong pagkahulog niini sa pangpang nga may gilawmon nga 5 metros.
Samtang naangol usab ang pito ka mga pasahero nga sila si ;
a. Merlita Adaro Quitoan, female, 38 yrs old, married;
b. Ira Adaro Quitoan, female, 15 yrs old, grade 8 student;
c. Rosel Hapay Gunday, female, 39 yrs old, married;
d. Angel Bais Encarnacion, female, grade 6 student;
e. Wilihado Ugbad Lumanda, male, 50 yrs old, married;
f. Jonilo Gumalang, male, grade 7 student, all of Brgy. New Rizal, Sergio Osmeña and
g. Dina Jumawak Padayhag, female, 35 yrs old, married of Brgy. Seroan, Katipunan.
Samtang lain pang duha ka mga pasahero ang alabado na usab tungod sa grabeng bun-og, gani gisulayan pa kini ug dala sa ZANORTE Medical Center, Sicayab, Dipolog City, apan gidekla kining dead on arrival.
Butyag pa sa imbistigador nga si PO1 Joerich Ramos, wala pa’y miduol nga complainant para sa pagpasaka ug kaso batok sa drayber nga naka detained sa ilang locked –up cell human kini boluntaryong mitahan sa ilang buhatan.
Hinuon mipasalig matod pa ang tag-iya sa maong pampasaherong jeep nga andam sila mo tabang sa mga panginahanglanon sa pamilyang namatayan ug mga naangol human na istorya sa tag-iya ang mga biktima, kini ang gibutyag ni PO1 Joerich Ramos.
Sa pagkakaron nagpaabot nalang sila karong adlawa kun aduna ba’y mopasaka ug kaso sa drayber gikan sa mga biktima may kalabot sa maong panghitabo.
