Nakahiagom og bun-og sa lain laing parte sa kalawasan ang siyam ka mga pasahero lakip na ang driver sa usa ka van human kini nabalitok sa Brgy. Coronon, Sta. Cruz, Davao del Sur gahapon sa buntag, Nobyembre 6, 2023.
Sa pakighinabi sa DXDC RMN Davao kang Sta. Cruz Municipal Police Station (MPS) Duty Traffic Investigator Darrel Antinero, gibutyag niyang samtang nagabyahe ang pampasaherong van ug laing usa pa ka minivan padulong sa managlahing direksyon, kalit lang natanggal ang ligid sa likod nga bahin sa pampasaherong van hinungdan nga nawad-an kini og control.
Human na-out of balance, aksidente niining nabangga ang minivan dayong nabagnos sa kalsada ug nabalintong.
Hinuon, dali kining narespondehan sa mga residente ug mga personahe sa rescue team ug nadala dayon sa balay tambalanan aron magpaalim sa mga samad sa kalawasan.
RadyoMaN Ivy Parido
Facebook Comments
