Pampasaherong van niambak sa kanal, pito samaran

Tigabao, Zamboanga del Sur – Padayong gapaalim sa ospital ang pito ka pasahero human aksidenteng natikalbong ang gisakyang van ala 1:15 sa hapon niadtong sabado dihang dapita sa Brgy. Lacupayan, Tigbao, Zamboanga del Sur.
Sa imbestigasyon sa kapulisan sa lungsod sa Tigbao nasayran nga samtang nagdagan ang pampasaheroang van nga Nissan Color Silver gikan sa lungsod sa ipil paingon sa syudad sa Pagadian nga gimaneho ni Roland Balansag Labiaga, aksidente kining nahagbong sa giconstruct nga kalsada nga miresulta sa pagkahulog sa konkretong kanal.
Gumikan sa hitabo samaran ang mga sakay nga sila si Dolores Busmion, 83 anyos, Rosita Busmion 65 ang edad, Ruben Dayday 49 anyos,Mergie Entia nagedad og 44, Princess Rivera 18 anyos, Reche Sumusao 25 anyos ug Jerson Codino 21 ang edad.
Ang mga nahisgutan padayon pang giatiman sa mga doctor sa Zamboanga del Sur Medical Center.

Facebook Comments