Roxas City, Capiz- Nag-angkon sang indi pag-intindihanay ang mga pulis sa banwa sang Panay kag medical workers sang Health Centrum Hospital.
Suno sa hepe sang Panay MPS nga si P/Capt Marvin Balmes, matapos ang makapila ka beses nga ginhambalan sang doktor ang nagsulod nga pulis nga indi pwede makasulod sa ospital kag pwede nga makasuhan.
Paathag naman ni Balmes, nagsulod ang PNP personnel bangud madugay ginguwaan sang attending medical workers ang gindala nga nalumos nga pasyente.
Sa pihak nga bahin, ginsabat ni Dr Abundio Balgos sang Health Centrum Hospital ang alegasyon sang pamilya sang nalumos nga biktima sa banwa sang Panay nga madugay ang mga ini nga nag-aksyon sang gindala ang pasyente sa nasambitan nga ospital.
Suno kay Balgos, indi matuod nga nadugayan ang ila nga mga medical workers sa pagtratar sa amo nga pasyente.
Iya nga ginsaysay nga nagpanginlaman lamang sila kag nagsuksok anay sa personal protective equipments ukon PPEs matapos nga nahibaluan nga nagpaidalom gali sa quarantine ang amo nga biktima kag ginakabig nga PUI.
Suno pa kay Balgos, kun natabo na-expose ang ila nga mga personnel.
