Pamunoan sang LTO sa Capiz, liwat nga igapatawag sang Sangguniang Panlalawigan subong nga semana para sa isa ka committee hearing!

41

Roxas City, Capiz – Liwat nga igapatawag subong nga semana sang provincial board ang pamunoan sang Land Transportation Office (LTO) sa probinsya sang Capiz paagi sa isa ka committee hearing angut sa pag- implementar sang new vehicle registration system.

Ini matapos nga napaslawan nga makatambong ang representante sini sa ginpatawag nga committee meeting nga gin-organisar sang Sanguniang Panlalawigan sang nakaligad nga semana nga tuyo kuntani hibaluon ang rasun kon ngaa madamo ang nagareklamo sa mataas nga balayran sa pagparehistro sang salakyan.


Isa pa sa mga punto sang provincial board para sa LTO- Capiz amo nga wala gid ini nagpahibalo sa publiko nga dayun na gali sang bulan sang Enero 2021 ang implementasyon sang New Vehicle Registration System.
Samtang subong naman nga adlaw sang Lunes, gintalana sang Roxas City Council ang kaangay man nga committee meeting kaupod ang LTO para maklaruhan sa amo nga sistema nga ginapatuman sang nasambitan nga ahensya.
photo(c)- BM Karen Artuz Palomar

Facebook Comments