Pamunoan sang Philippine Coast Guard sa Capiz, may pahayag matapos nga isa ka katapo sini ang positibo sa COVID19

377

Roxas City, Capiz – Ginpasiguro sang pamunoan sang Philippine Coast Guard(PCG)-Station Roxas nga padayon sa gihapon ang serbisyo sang ila ahensya matapos ang pagpositibo sang isa ka katapo sini nga assigned sa substation sa banwa sang Pilar.
Suno sa hepe sang PCG-Station Roxas nga si Lt Commander Edison Diaz, naka-isolate na subong ang amo nga pasyente kag hugot nila nga ginasunod ang protocol sang Department of Health may kaangtanan sa quarantine.
Ginpunto sini nga bilang isa ka frontliner, gin-recall sila para nga magserbisyo agud nga protektahan ang pomuluyo sa subong nga ginapangatubang nga krisis sang bilog nga kalibutan.
Suno pa diri nga ini ang isa ka parte sang pag-risgo sang ila kaugalingon nga kabuhi kag wala sila sang mahimo tungod nga may yara sila sang ginsumpaan nga trabaho.

Facebook Comments