Davao City – Ginamonitor na karon sa kapulisan ang mga nailhang suspek sa nahitabong pagpanulis sa Panabo City naidtong May 17, 2019 diin anaa sa kapin kun kulang 3 million pesos ang nasakmit gikan sa usa ka Chinese National nga si Liyan Pang.
Sa AFP-PNP presser, gibutyag ni Police Regional Office kun PRO XI spokesperson Police Major Jason Baria, upat ka mga suspek ang na-identify human nasuta nga adunay nakasaksi sa panghitabo sa hold up incident.
“May witness po tayong nakuha doon. Pag-identify ng witness, inimbitahan kaagad sa station kaya na-identify yung apat na suspek,”
Matud pa nga adunay CCTV sa area apan sa sulod lang sa usa ka fast food chain ug wala didto sa gawas busa dako ang pasalamat sa otoridad sa witness nga nakatabang sa imbestigasyon.
Dugang sa tigpamaba nga naidentipika ang mga suspek pinaagi sa rogues gallery diin matud pa nalambigit ang mga suspek nga nag edad 21-24 anyos sa miaging mga krimen ilawom sa Children in Conflict with the Law (CICL).
Sa karon padayon pa ang monitoring sa kapulisan aron usab madakpan ang mga suspetsado.
RadyoMaN Renz Barbarona
