Davao City – Wala gilimita sa Davao del Norte Police sa duha ka suspek apan posibleng aduna pay laing mga kakuntsyabo ang nahitabong hold-up incident sa Panabo City diin anaa sa P3M ang gidagit nga kwarta.
Matud ni Davao del Norte Police Provincial Director Police Col. Ferlu Silvio nga inside job o na-pattern sa mga suspek ang aktibidad sa biktima maoy pipila sa gilantaw nga anggulo sa nagpadayong imbestigasyon.
“Unang-una giunsa nila pagkahibalo nga adunay dala nga ingon ato o along the way kung asa sila nagakuan sa bangko basin sa mga previous months naa na silay pattern nga dinhi sila naga-withdraw og kwarta pambayad sa saging so ginatan-aw na siya,” matud ni Silvio.
Gisuta sa kapulisan kung ang mga suspek kung parte usab sa usa ka criminal organized group nga galihok sa maong probinsya.
Lakip sa mga imbestigahan sa kapulisan ang kaubang driver ug kaherang Pinoy sa biktimang Chinese National nga si Liyan Pang, usa ka agri-business company owner ug banana buyer.
Gipasubay karon ni Silvio sa ilahang provincial intelligence units ang mga persons of interests ug gipaalerto ang kasikbit nga mga munisipalidad.
Pasidaan sa PNP sa tanang mga negosyante kung mamahimo dili ibyahe ang mga dagkong kantidad sa kwarta.
“Ang atoang transakyon karon pwedi naman bank to bank. Kita kinahanglan nga responsible sa atoang mga properties. You issued check why resort sa mga ingon ato, “ matud ni Silvio.
Gidepensaan ni Silvio ang Panabo PNP nga dili sayop sa kapulisan ang insidente nga kinahanglang mataktak sila sa serbisyo ug matud pa daling niresponde ang mga awtoridad atol sa insidente.
Giklaro usab niini nga na-menosan na ang nahitabong carnapping incidents sukad nga na-neutralisa sa PNP ang tulo ka mga involved usab sa mga carnapping incidents nga ga-operate sa Panabo, Carmen, Sto. Tomas ug Kapalong.
RadyoMaN Aimee Guinita
