Sa interbyu sa DXDC RMN Davao kang Patrolman Gil Ryan Buragay, personahe sa Panabo City PS, gisaysay niini nga kada gabii sila nagapahigayon og operation Kap-Kap/Oplan Bakal/Sita sa mga videoke bars ug uban pang crowded public places.
Tumong niini nga masigurong malikayan ang mga insidente nga magdala og kadaot sa Panabo City.
“Pila napud ka years nga wala mi nakitaan nga nakuhaan og contraband diri sa among Oplan Kap-Kap. Pero kung naa man, among (iproseso) kung unsay pwede namo i-file sa iyaha,” sulti ni Buragay.
Saysay sa pulis nga alas 10:00 sa gabii ra kutob ang videoke sa dakbayan, bisan og wala nay curfew hours sa syudad, hugot gihapon nilang gina-monitor ug ginabadlong ang mga minors nga nagalatagaw pa ilabi na panahon sa kagabhion.
RadyoMaN Kirby Manzon
