Davao City – Hagbong sa kamot sa mga awtoridad atol sa buybust operation ang usa sa upat ka mga suspek sa Panabo Robbery incident.
Atol sa interbyu sa RMN Davao gikumpirma kini ni Panabo PNP Station Commander Police Major Ernesto M. Gregory nga ang naarestong suspek positibong gi-identipika sa driver sa biktimang Chinese National si Liyan Pang, usa ka agri-business company owner ug banana buyer nga maoy nitutok kanila og pusil niadtong Mayo 17.
Gidagit sa mga suspek ang nagkantidad sa P3M nga kwarta sa Chinese national.
Matud ni Gregory nga magtagbo sila karong adlawng Lunes sa abogado sa biktima aron hingpit na nilang mapasang-at ang kasong robbery in band batok sa upat ka mga naidentipika na nga mga hold-uppers.
Wala na gidetalye pa ni Gregory kung asa nasikop ang suspek tungod sa nagpadayon gihapong operation sa mga kapulisan.
RadyoMaN Aimee Guinita
