Panagatan gi-ronda sa CIDG, tag-as nga armas nakuha

219

Pagadian City, Zamboanga del Sur – Duha tag-as nga mga armas ang nakumpiska sa mga elemento sa Criminal Investigation and Detection Group kun CIDG- Zamboanga del Sur atul sa pagsilbi sa search warrant batok sa usa ka negosyante alas 7:30 kaganihang buntag sa purok San Francisco, Brgy. Bomba ning syudad sa Pagadian.
Armado ang mga otoridad sa Search Warrant nga pinirmahan ni Executive Judge Dennis Vicoy batok kang Fernando Alferez Sr ., sa kasong paglapas sa Akta Republika 10591 o illegal possession of firearms and ammunition.
Gisaka sa CIDG Team ang panagatan ni Alferez nga color blue nga dunay marka nga “Triple King” diin nakuha sa posisyon gikan sa mga pahinante ang duha ka M1 garand rifle ug 22 ka buhi nga bala.
Wala naabti sa raiding team ang target nga karun padayon pa nga gawasnon.
Sa interview sa RMN kang Pcinsp. Samson Pascual ang supervising agent , nagtoo kini nga naa pa sa syudad ang suspek.

Facebook Comments