Davao City – Walay nakitang dautan ang National Youth Commission Davao Region (NYC-Davao) sa pakigsuod ni Pres. Rodrigo Roa Duterte sa nasod China.
Kini ang personal nga pagpanglantaw ni NYC Davao Region head Julius Gutierrez kabahin sa pakighigala ni Pangulong Duterte sa nasod China sanglit magdala man kini og kalamboan sa Pilipinas.
Segun ni Gutierrez nga mas maayo gani dili lang mga nasod sa Asya ang higalaon sa Pilipinas apan bisan pa ang ubang mga kanasuran gikan sa western ug eastern nga mga kagamhanan.
Dako ang pagtoo ni Gutierrez nga naghuna-huna lang sa kaayohan ang pamuno-nasud mao nakighigala kini sa China sa ngalan sa dugang kalamboan sa atong nasud.
Dugang ni Gutierrez mao nga dili tugutan ni Pangulong Duterte nga mabutang sa alanganin ang claim ug pagtikad sa west Philippine sea karon nga mas gipalig-on pa sa gobyerno sa Pilipinas ang relasyon sa China.
Bentaha kaayo sa bahin sa atong nasud ang pakig-amigo sa China kay ang ilang gobyerno naman unya mismo mutabang sa atong mga otoridad sa paglutos sa mga sindikato sa droga aron dili kasulod dinhi sa Pilipinas ang mga epektos gikan sa China.
RadyoMaN Joel Viray
