Pagadian City – Nagmalampuson ang gipahigayong General Assembly sa DXPR Employees and Listeners Mortuary Association, Inc. kon DELMAI kagahapong adlawa sa may alas 8 ang takna sa buntag sa Liga ng mga Barangay Convention Center, ning syudad sa Pagadian.
Ang DXPR Employees and Listeners Mortuary Association, Inc. kon DELMAI, usa ka kahugpungan sa pagtinabangay sa panahon nga adunay membro mopanaw ning kalibutan.
Ang programa gitambungan sa dul-an 200 ka mga membro-participante nga lumulupyo sa nagkadaiyang Barangay ning syudad sa Pagadian lakip na ang kasikbit nga mga lungsod.
Gisugdan kini pinaagi sa pag-ampo, gisunod ang mensahe ni DELMAI President Melchor Coronel ug ang Treasurer’s report ni Kenneth Alvin Bustamante.
Usa sa mga nahimong kabag-ohan nga nahisgutan sa panagtigum ang kabahin na sa tag 50 nga monthly contribution sa mga membro nga maoy gikauyonan sa mayorya sa mga mitambong. Kapin gatos ang miuyon nga isaka kini sa tag 50, samtang 41 ang miuyon nga tag 20 ang monthly contribution, ug 12 ra ang ihap sa mga mga miuyon nga ipabilin sa tag 10.
Gipaniguro ni Manager nga maayu ang pagkadala sa kwarta sa kahugpungan ug lauman ang tinud-anay nga serbisyo ngadto sa publiko.
Mapasalamaton usab ang mga mitambong ilabina sa mga gipang-apod2 nga mga pahalipay, mga gamit nga gipa-raffle ug ang pagbinayloay sa mga regalo.
