Kumbinsido si Senator JV Ejercito na sya ay kasama sa 12 senador na nanalo sa katatapos na eleksyon.
Ang mga patunay na tinukoy ni Ejercito ay ang magandang pagtatapos ng kanyang kampanya at ang trajectory o direksyon niyang pataas sa mga survey.
Hanggang ngayon daw ay patuloy syang nakakatanggap ng mainit sa suporta at mga mensahe ng panghihinayang na lumaglag sya sa pang-13 pwesto sa bilangan ng boto.
Sa kabila nito ay tiniyak ni Ejercito na hindi sya bitter at hindi na maghahain pa ng election protest dahil hindi niya ugali ang maging obstructionist.
Hiling lang ni Ejercito na ipaliwanag ng Commission on Elections o COMELEC kung paano nangyari na mula sa pang-12 pwesto sa canvassing ay bigla syang nalaglag sa pang-13 nang magkaroon ng 7-oras na glitch sa transmission of votes.
