Cavite – Huli sa aktong natutulog ang apat na pulis sa Bacoor, Cavite nang bumisita ang kanilang opisyal sa police station sa oras ng kanilang duty.
Sa ulat, nahuli ang mga ito sa surprise inspection na isinagawa ng police provincial director ng Cavite kung saan mahimbing na natutulog sina PO3 Joseph Sahurda, PO3 Kimmy Reyes, PO1 Alzadar Alawi at PO1 Ryan Garcia na nakita pang may kasamang babae na hindi niya asawa.
Dahil dito, sangkaterbang sermon ang kanilang inabot at para magising ay pinag-push-up ang mga inaantok pang mga pulis.
Ayon kay Police Chief Superintendent Edward Carranza, Regional Director ng PRO-CALABARZON, inalis muna nila sa kanilang puwesto ang apat na pulis na kakasuhan ng “sleeping while on duty” at kaniya itong ipapatawag para marinig ang kani-kanilang paliwanag.
