Davao City – Magpabilin nga idlas ang pag-angkon sa kalinaw ug kalamboan sa daghang lugar sa Pilipinas kung padayong magsabwag og kasamok ang CPP-NPA-NDF.
Si kanhi University of the Philippines President political science Professor Russel Buelba nagpamatuod sa iyang pagtoon nga ang dakung babag sa kalinaw ug kalamboan mao ang kalihukan sa CPP-NPA-NDF.
Siya nag-ingon nga mao kini ang hinungdan kun nganong ang langyaw’ng tigpatigayon walay tinguha magbubo og negosyo sa nasud tungod sa hulgang seguridad mugna sa mga rebelde hangtud karon.
Si peace advocate convenor Candido Aparece Jr. nagbutyag nga aron matuldukan ang kaguliyang mugna sa mga kumunista mas maayo pareho mubalik sa peace negotiating ang gobyerno ug ang CPP-NPA-NDFP.
Dugang ni Aparece nga dunay dakung kahigayonan nga mag-abot pag-usab ang dalan sa kagamhanan ug sa mga rebelde aron subling maghisgot sa nakulgot nga peacetalks.
Segun niini, dakung factor ang pagka-estudyante ni Duterte ubos kang Jose Maria Sison pagpahi-luna sa pipila ka militante sa kabinete, suporta sa katawhan ug sa military aron matigayon ang peacetalks.
Apan ang pangutana lang ni Aparece mao nga kun unsa ka sinsero ang mga kumunista sa pagsangko sa hinabing pangkalinaw ugaling sanungon sa kagamhanan ang panawagan sa 62 ka kongresista.
Apelar ni Aparece sa gobyerno ug sa mga rebelde mao nga apilon ang tanang sektor sa peacetalks aron maseguro ang kalampusan sa hinabing pangkalinaw ug hingpit na mahuman ang lima na ka dekada nga insurhensiya nga miihaw sa kalinaw ug kalamboan sa Pilipinas.
RadyoMaN Joel Viray
