ILOILO CITY – Tungod sa maulanon nga panahon, si PSSUPT Remus Zacharias Canieso, City director sang Iloilo City Police Office ( ICPO ) liwat nagapahanumdom sa tanan nga mag doble halong kag mag alerto.
Disgrasya sa dalanon, kinawatay kag bisan sunog ang indi maibitar nga matabo apisar nga malamig ang panahon suno sa ICPO.
Panugyan sang ICPO sa mga motorista, dapat maghinay hinay gid sa pagpadalagan sang mga salakyan agud makalikaw sa disgrasya.
Hibaluon gid ang mga gubaon kag ginakay-o pa nga mga dalanon.
Sa kinawatay, agud malikawan, dapat siguraduhon gid nga lock ang puluy-an antis baya-an ukon antis magtulog sa kagab-ihon.
Dapat man siguruhon nga naka off tanan ukon nakakas sa saksakan ang nga kagamitan sa balay antis maglakat ukon magpahuway.
Mas maayo gid nga ang pagka-alerto magsungod gid mismo sa aton tagsa-tagsa ka kaugalingon.
Let’s all be SAFE everyone…
via Iloilo City Police Office
