Panay, Capiz – Padayon nga gina-establisar sang kapulisan sa Panay Municipal Police Station kun may yara sang foul play sa kamatayon sang 47 -anyos nga mister sa Brgy Libon, Panay, Capiz.
Mahibaluan nga nasapwan na gid lamang sang iya misis ang biktima nga ginkilala kay Felix Barrio y Degala nga wala na sang kabuhi alas sais sang aga.
Suno kay Police Staff Sgt Bacay sang Panay PNP, hubog nga nagpauli alas 9 ang amu nga biktima kag nag-tuyo ini nga magbitay sang kaugalingon gamit ang pajama sini sang makatatlo ka beses apang wala madayon bangud nagakahuslo ang paghigot sa balayan.
Sang pagka-aga diri na nadiparahan sang iya pamilya nga nagahamyangon kag wala na sang kabuhi ang amo nga biktima.
Ginpatihan nga bangud sa tuman nga kahulogbon kag pag-atake sa sakit sa tagipuuon ang kabangdanan sang kamatayon sang biktima.
