Roxas City, Capiz – Dakop sa ginpatigayon nga drug buy bust operation sang Station Drugs Enforcement Unit sang Roxas City PNP kag Provincial Drugs Enforcement Unit sang Capiz Police Provincial Office ang isa ka panday sa Barangay 5, Roxas City. Ginkilala ang suspek nga si Joewey dela Cruz, 40-anyos kag residente sang nasambit man nga lugar.
Nakuha sang kapulisan sa mga kamot sang suspek ang tatlo ka sachet sang ginapatihan shabu kag P500 nga marked money. Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang nasambit nga panday.
Samtang ginpaninwala naman ni dela Cruz, nga iya ang nakuha nga mga illegal nga droga. Gin-ako man sini nga nagagamit ini sadto sang illegal nga droga apang nag-untat na ini sang magsungka sa Oplan Tokhang sang PNP.
