Davao City – Ginasuta pa karon sa otoridad ang motibo sa pagpusil-patay sa usa ka lalaki sa Purok 14, feeder Road, Brgy. Tibal-og, Sto. Tomas, Davao del Norte.
Sa report gikan sa Police Regional Office kun PRO XI, giila ang biktima nga si Roy Bustamante, minyo, usa ka panday ug residente sa Purok Pag-asa, Brgy. Paquibato Proper, Davao City kinsa gipusil kagahapong adlawa, Abril 5, alas 9:10 sa buntag.
Matud pa nga samtang nagapanday ang biktima uban sa iyang helper nga giilang si Julio Layda, duha ka suspetsado ang miabot sa ilang gikahimutangan dayon gipusil ang biktima sa makadaghang higayon hinungdan sa iyang kamatayon.
Daling misibat sa wala matinong direksyon ang mga suspek samtang ang patayng lawas sa biktima anaa na sa Coferis Funeral Parlor.
RadyoMaN Renz Barbarona
