Davao City – Wala na naabtan og Bag-ong Tuig ang usa ka lalaki nga panday human kini nakuryentehan sa Bilawan, Barangay Central, Mati City, Davao Oriental alas 11:30 sa buntag kagahapong adlawa, Disyembre 28, 2023.
Sa interview sa DXDC RMN Davao kang Police Corporal Michael Grande, desk officer sa Mati City Police Station, iyang giila ang biktima nga si Arvin Yamson, 38 anyos, minyo ug usa ka panday nga nagpuyo ra usab sa maong lugar.
Saysay sa pulis nga samtang nagpanday ang biktima, nasangit ang atop nga iyang gitaud ngadto sa linya sa kuryente, rason nga nakuryetehan ang biktima ug wala na nadala pa sa ospital.
“Nakuryentehan (ang biktima samtang) nagtaud og atop. Ang sin nasangit sa main line sa kuryente,” sulti sa pulis.
Sa pagkakaron, wala pay impormasyon kung unsa ang mamahimong responsibilidad sa tag-iya sa balay asa kini nagpanday ug asa nahitabo ang insidente.
RadyoMaN Kirby Manzon
Panday nakuryentehan, patay
Facebook Comments
