Epektibo ang suspensiyon ng 16 na kawani ng Department of Public Works and Highways (DPWH)–Bulacan 1st District Engineering Office dahil sa iregularidad sa flood control projects sa mga bayan ng Plaridel, Pandi at Bocaue.
Ipinag-utos ni Acting Ombudsman Dante Vargas ang preventive suspension sa mga opisyal matapos magsampa ng reklamo si DPWH Sec. Vince Dizon kasunod ng ulat ng Commission on Audit (COA) hinggil sa umano’y ghost at graft-ridden projects.
Layon ng suspensiyon na pigilan ang mga sangkot na personnel na makaapekto sa imbestigasyon at upang matiyak na maisusulong ang pananagutan nang walang balakid.
Kabilang sa mga sinuspindi sina:
1. Construction Section Chief John Michael E. Ramos
2. Planning and Design Section Chief Ernesto C. Galang
3. Maintenance Section OIC Chief Lorenzo A. Pagtalunan
4. Quality Section Chief Norberto L. Santos
5. Maintenance Section OIC-Chief Jaime R. Hernandez
6. Administrative Section Chief Floralyn Y. Simbulan
7. Budget Unit Head Roberto A. Roque
8. Procurement Unit Head Benedict J. Matawaran
9. Cashier II Christina Mae D. Pineda 10. 10. Project Engineer Paul Jayson F. Duya
11. Project Engineer Merg Jaron C. Laus
12. Project Engineer Lemuel Ephraim C. Roque
13. Project Engineer Arjay S. Domasig 14. Project Engineer John Carlo C. Rivera
15. Project Engineer John Benex S. Francisco at
16. Engineer II Jolo Mari V. Tayao
Ayon sa COA, ang mga proyekto na nagkakahalaga ng kabuuang P389.6 milyon ay may kakulangan sa mga dokumento, kawalan ng aktwal na civil works, maling pagtukoy ng lokasyon at maging depektibong bid plans.
