NEGROS OCCIDENTAL – Nadakpan sang isa ka bana ang iya asawa sa akto nga ginatungtungan sang iban nga lalaki pasado las 6:30 kahapon sang gab-i sa sulod sang patyo sa nabukid nga barangay sang isa ka banwa sa Norte nga bahin sang Negros Occidental.
Suno sa imbestigasyon, ang bana, 32 anyos, masami nagahalin sa ila balay sa tagsa ka aga agud magtrabaho apang lipud sa iya ihibalo nga sa iya pagtalikod, dali-dali man nga nagalakat man ang iya sini 29-anyos nga misis.
Sadtong Huwebes sang gab-i temprano nga nagpauli si mister kag natingala ini nga wala ang iya asawa.
Sang ginpamangkot ang iya bata, nagsiling ini nga naglakat si Nanay matapos nga may ginsugilanon sa cellphone.
Dimalas man nga makabig si Misis bangud nga nabilin niya sini sa ila balay ang iya cellphone gani ini ang nakita ni Mister, ginbuksan kag didto natukiban sang lalaki ang masakit nga kamatuuran nga si misis may ginatabo-tabo nga iban nga lalaki.
Nabasahan ni mister ang text ni misis sa iya “kerido” nga ini sila ang magakit-anay sa patyo.
Ini ang dali dali man nga ginkadtuan sang iya bana kag bangud nga malinong sa patyo, nabatian gid niya sini nga may naga “ugayon” kag sang iya ginpalapitan, nakita gid niya si misis nga ginatungtungan ni Boy Number 2, 27 anyos.
Nagpalangdulom ang panan-awan ni Mister gani iya nalabo ang lalaki kag naigo sa abaga, subong man si Misis nga may igo man sa pila ka bahin sang iya lawas.
Gindala sa ospital ang babayi, samtang nagpalagyo naman ang kerido./ (Hungod nga ginhinago ang mga pangalan kag lugar sa hingyo man sang pamilya sang natungdan). Not the actual photo
