Davao City – Dili na mahataga’g katumanan ang pangandoy sa usa ka 10 anyos nga babayi nga si alyas ‘Ann’ nga mahimong maestra, human kini gilugos-patay sa usa ka Joshua Pilongo, 20 anyos nga taga Brgy. Lacson, Calinan ning syudad.
Sa interbyu sa DXDC RMN DAVAO kang alyas ‘Mil’, amahan sa biktima, giingon niya nga wala niya damha nga masinatian sa iyang anak nga babayi ang maong pagpanamas-tamas.
“Taas pa kaayo og pangarap ang bata. Pangarap niya gusto daw siya mahimong maestra, karon kay wa man nakatapos na kay gitamas-tamasan man,” saysay sa amahan.
Kahinumduman nga nahitabo ang maong pagpanglugos niadtong Abril 7,2023 sa Brgy. Dalagdag, Calinan, ning siyudad ug napalgang wa nay kinabuhi ang biktima niadtong Abril 9.
Sa kasamtangan, nahimutang ang patay’ng lawas sa biktima sa ilang balay ug gilaumang ilubong kini karong adlaw’ng Sabado, Abril 15.
Iris Grace Pogoy Sajol, Davao del Norte State College – BACOMM Intern
Facebook Comments
