Matagumpay na idineklara ng Philippine Drug Enforcement Agency (PDEA) ang Pangasinan Provincial Police Office (PPO) bilang isang Drug-Free Workplace sa bayan ng Lingayen.
Naideklara ang naturang lugar dahil sa naging resulta ng mandatory drug testing na isinagawa sa lahat ng PNP personnel na isinagawa noong Abril at Mayo nitong taon kung saan lahat ng nasa 3,384 na tauhan ng PNP Pangasinan ay napag-alaman at lumabas sa test na negatibo sa paggamit ng ilegal na droga.
Samantala, binigyang-pugay ng ni Pangasinan Governor Ramon Guico III, na dumalo sa seremonya, ang puwersa ng pulisya ng Pangasinan para sa kanilang kahanga-hangang tagumpay at hinikayat silang panatilihin ang katayuan at magpatuloy mula sa hindi paggamit ng ilegal na droga.
Gayundin, hinimok ni Guico ang publiko, local government units at lahat ng iba pang stakeholders na maging bahagi ng solusyon para gawing drug-cleared province ang Panlalawigan sa pamamagitan ng pagputol sa demand chain ng ilegal na droga.
Ayon naman kay Pangasinan PPO director PCol. Jeff Fanged upang mapanatili ang nasabing status, sasailalim sa mandatory drug testing ang mga tauhan ng pulisya sa lalawigan bawat buwan upang matiyak na walang pulis na sangkot sa iligal na droga. |ifmnews
Facebook Comments
