Inilabas na ng Miss Universe Philippines Organization ang opisyal na candidate video ng kinatawan ng Pangasinan na si Donna Rein Nuguid, bilang bahagi ng kanilang “One Queen, One Story” series.

Sa nasabing video, tampok ang kagandahan ng probinsya ng Pangasinan na kanyang pinagmulan, lalo na ang mayamang kultura ng Dagupan City na nagsilbing inspirasyon sa kanyang paglahok sa prestihiyosong patimpalak.

Layunin ng serye na mas makilala ng publiko ang bawat kandidata, hindi lamang sa kanilang panlabas na anyo, kundi pati na rin sa kanilang mga kwento bilang mga potensyal na reyna ng bansa.

Samantala, patuloy namang umaani ng suporta si Nuguid mula sa kanyang mga kababayan at netizens, na humahanga sa kanyang kumpiyansa at dedikasyon.

Inaasahan na ang naturang video ay makakatulong upang higit pang mapalakas ang kanyang kampanya sa nalalapit na coronation night ng Miss Universe Philippines. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣