Davao City – Giduso na ngadto sa City Prosecutor’s Office ang kasong Murder batok sa suspek sa pagpatay sa 6 anyos nga bata.
Gibutyag ni Davao City Police Office head Senior Superintendent Alexander Tagum nga gikonsidera nila ang suspek nga si Rico Jay Labao nga usa ka ‘high-risk inmate’.
“Considering sa iyang admission in public, sa iyang pagpangayo’g pasaylo, pag-angkon ug pagsaysay sa nahitabo sa pagpatay niya sa bata we believed na naa na tay breakthrough,” sumala ni Tagum.
Gimanduan ni ang iyang mga personahe nga seguraduhong mamonitor ang suspek sa sulod sa selda ug matagaan kini’g proteksyon.
“Of course protektado siya being person in detention nga naa sa custody ngTalomo PNP and I already directed the station commander nga hatagan pod siya og preferential protection against his fellow prisoners kay basi’g makit-an nga gituok o gipatay eh lisod na,” matud ni Tagum.
Dugang niini, gipaabot sa mga awtoridad ang mamahimong resulta sa otopsiya.
“Gusto natong ma-determine kung na rape ba ang bata,” sumala ni Tagum.
Pahinumdun sa labaw sa DCPO sa tanang nga ginikanan nga bantayan ang ilang mga anak ug dili kini pasagdan aron dili na masubli pa ang susamang insidente.
RadyoMaN Aimee Guinita
