PANGINBULAHAN | 15 ka mga kabanwahanan sa Capiz, nalab-ot ang target nga blood donation!

62

Roxas City, Capiz – Madinalag-on nga nalab-ot sang kinse ka mga kabanwahanan sa probinsya sang Capiz ang target sang mga ini nga blood units ukon 1-percent sang kabug-osan nga populasyon sang kada ka munisipyo.
Ini ang resulta sang serye sang mass blood donation activities sang nakaligad nga tuig.
Base sa record sang Philippine Red Cross (PRC) – Capiz Chapter, kalakip sa mga munisipyo nga nakuha ang target nga blood donations amu ang banwa sang Cuartero, Dao, Dumalag, Dumarao, Ivisan, Jamindan, Maayon, Mambusao, Panay, Panit-an, Pilar, Pontevedra, Pres. Roxas, Sapi-an kag Sigma.
Samtang napaslawan naman nga makuha sang banwa sang Tapaz kag syudad sang Roxas ang target nga blood units.
Ginsiling ni PRC – Capiz donor recruitment officer Ketch Armiza, ang banwa sang Jamindan kag Dumalag ang nakakuha sang masobra sa 3-percent blood units base sa populasyon sang ila banwa.
Mahibaloan sang 2017, kabug-osan nga 11,315 blood units ang nakolekta sa Capiz kabangdanan nga ginkilala ang probinsya bilang “top performer in voluntary blood donation” sa bilog nga rehiyon sais.

[With reports from PIA-Capiz]
photo © PIA-Capiz

Facebook Comments