PANGINBULAHAN | “Boy Wonder” sang Capiz, hari sa 9 kag 8- ball championship sa billiards sa WVRAA 2019!

Roxas City, Capiz – Liwat nga nakakuha sang dugang pa gid nga bulawan nga medalya ang pambato sang Capiz nga si Elijah Noli “Boy Wonder” Alvarez sa patag sang billiards sa nagapadayon nga WVRAA 2019.
Ini matapos nga nagpangibabaw si Alvarez sa 9-ball championship single secondary level kontra sa kasumpong sini nga pambato sang Negros Occidental.
Indi nangin madali para kay Alvarez ang pagkakuha sang kampeonato bangud nga nakarekober pa ang pambato sang Negros nga si matapos nga makuha ang 3rd set kag una nga nakaabanse sa 4th set apang wala nagpalutos si Alvarez kag gintapos ang nasambitan nga hinampang sa skor nga 6-5. Nahibaloan nga una diri, nakuha man ni Alvarez ang bulawan nga medalya sa 8-ball single secondary level.

Facebook Comments