Nagpain ang Department of Trade and Industry kon DTI sang isa ka bilyon ka pesos para sa masunod nga tuig nga nagatuyo suportahan ang “pondo sa pagbabago at pag-asenso” ukon P3 program sang Duterte administration.
Kasunod ini sang direktiba ni pangulong Rodrigo Duterte nga mahatagan sang kasarangan nga pautang ang mga magagmay nga negosyante kag tapuson ang “5-6”.
Suno kay DTI Regional operations group Undersecretary Zenaida Maglaya nga humalin sang Nobyembre 24, 2017, naglab-ot na sa masobra 16 mil ka mga Micro-entrepreneurs ang nabuligan sang P3.
Target sini ang 30 ka mga pigado nga probinsya sa pungsod.
Daku ang nabulig sang P3 agud pabakuron ang presyo sang mga balaklon kag maengganyo ang mga Small entrepreneurs nga pasanyugon ang ila negosyo, magbukas sang trabaho kag oportunidad para sa iban pa nga mga Pilipino.
