MANILA – Ipinagtanggol ng Malacañang ang P6.4 trillion na utang ng pilipinas na iiwan ni Pangulong Noynoy Aquino.Batay kasi sa report ng Freedom from Debt Coalition si Pangulong Aquino ang may pinakamalaking utang sa lahat ng mga nakaraang presidente mula noong 1986 kabilang si dating Pangulong Gloria Macapagal-Arroyo.Paliwanag ni Coloma lahat naman ng bansa ay nagkakautang dahil kulang ang nakokolektang buwis para tustusan ang mga proyektong imprastraktura at iba pang programang pang-kaunlaran.Dahil aniya sa mataas na paglago ng ekonomiya ng Pilipinas ay madali nang nakakautang ang bansa sa mas mababang interes.Kung hahatiin ang nasabing halaga sa 103 million na populasyon ng pilipinas, bawat mamamayan ng bansa ay may pagkaka-utang na mahigit 62 thousand pesos.
