Naglunsyar sang nationwide signature campaign ang bag-o nga grupo nga Tindig Pilipinas agud ipanawagan kay Pres. Rodrigo Duterte nga magpirma sang waiver nga magabukas sang iya bank accounts para sa imbestigasyon.
Suno kay Sen. Antonio Trillanes IV ang ila petition signing nagatuyo nga mapressure ang Presidente nga buksan ang iya financial records.
Dugang pa ni Trillanes magatapos na ini sang mga palamangkutanon sa gina-alegar unexplained wealth sang Presidente.
Ginsiling man sang senador nga panugod na ini sang pagpakita nga madamo ang disgusto sa mga nagakatabu sa pungsod.
Base sa alegasyon ni Trillanes, naglambot sa indi magnubo sa duha ka billion ka pesos ang bank transactions sa mga bank accounts sang pamilya Duterte.
Facebook Comments
