Hinikayat ni Pangulong Rodrigo Duterte si Department of Transportation (DOTr) Secretary Arthur Tugade na tumakbo sa pagkasenador sa 2022 elections.
Sa kanyang Talk to the Nation Address, kinilala ni Pangulong Duterte ang mga accomplishments at expertise ni Tugade sa pamumuno ng kagawaran.
Pinuri rin ng pangulo ang kalihim bilang isa sa mga top performers ng pamahalaan.
“I cannot express in words the appreciation of this government of your talent and expertise in running your department. You are one of the top performers,” sabi ni Pangulong Duterte.
Nasasayangan din si Pangulong Duterte lalo na at kailangang bumaba sa pwesto ni Tugade pagkatapos ng kanyang termino sa June 2022.
Iginiit ng pangulo na kailangan ng bansa ang kagaya ni Tugade at umaasang matatapos ang mga mga proyekto ng kagawaran.
