Pangulong Duterte, nagsagawa ng aerial inspection sa paligid ng bulkang Mayon

Manila, Philippines – Bukod sa pagbisita sa mga evacuees, nag-aerial inspection si Pangulong Rodrigo Duterte sa bisinidad ng bulkang Mayon.

Ito ay batay sa mga larawan na ipinost ni Special Assistant to the President Bong Go.

Isinagawa ng pangulo ang aerial inspection pagkatapos ng situation briefing kasama ang mga opisyal ng lokal na pamahalaan at mga government agencies.

Samantala, umabot na sa mahigit 84,000 tao na ang nasa mga evacuation center sa Albay.