Kinondena ni Pangulong Ferdinand Marcos Jr., ang tangkang pagpatay kay dating US President Donald Trump sa isang presidential campaign sa Pennsylvania.
Sa kanyang X account, nagpahayag ng pagkabahala ang pangulo sa tangkang assasination sa dating US President.
Ayon kay PBBM, naibsan ang kanyang pag-aalala nang malamang maayos naman ang kalagayan ni Trump.
Kaisa aniya si Pangulong Marcos sa pagkondena sa pag-atake sa republican presidential candidate at sa lahat nang uri ng karahasang may kinalaman sa pulitika.
Mahalaga rin aniya na laging nangingibabaw ang boses ng taumbayan.
Facebook Comments
