Panibag-o naman nga kaso sang suicide, natabo sa banwa sang Dao!

Dao, Capiz- Patay ang 46-anyos nga lalaki matapos ini ang gina-alegar nagpanginmatay sa Brgy. Ilas Sur, Dao, Capiz.
Ang biktima ang residente sang nasambitan nga lugar kun sa diin nasapwan na gid lamang sang iloy nga si Fleurdeliza ang lawas sang anak nga nagabitay sa abandonado nila nga poluy-an mga 60- metros ang kalayuon halin sa ila bag-o nga balay.
Gilayon ini nga gindangat padulong sa Dao District Hospital apang gindeklarar sang doktor nga dead-on-arrival.
Gingamit sang biktima sa pag-utas sang iya kaugalingon amo ang cable wire nga iya sang CAPELCO.
Suno sa iloy, mga alas 8 sang aga ginsugo sini ang anak nga paandaron ang ila electric motor pump. Apang makaligad ang isa ka oras, ginkadtuan sini ang abandonado nga poluy-an kag nakit-an ang nagabitay nga lawas sang biktima.
Nahibaloan nga makatatlo na ka beses nga natuyo sa pag-utas sang kaugalingon nga kabuhi ang nasambitan nga biktima.

Facebook Comments