Panibag-o nga batch sang candidate soldiers sa Camp Peralta, magapaidalom sa anum ka bulan nga paghanas!

Roxas City, Capiz – Kabug-osan nga 279 ka mga aspirants ang natalana nga magapaidalom sa anum ka bulan nga training matapos pormal nga nagpanumpa ang mga ini bilang mga Candidate Soldiers sa ginpatigayon nga Opening Ceremony sang nakaligad nga Pebrero 10, 2020 sa Camp Macario Peralta sa banwa sang Jamindan.

Gindayaw ni Major General Eric C. Vinoya, Commander sang 3rd Infantry (Spearhead) Division, ang mga Candidate Soldiers sa pagbaton sang mga ini sa hangkat kag pagkapreparado sa mga risgo bilang isa ka suldado subong man ang suporta nga ginapakita sang ila pamilya.

Ang amu nga mga aspirants nga madinalag-on nga nakapasar sa maid-id nga selection process nga gin-set sang Philippine Army, ang magapaidalom sa training nga nakabase sa Candidate Soldier Course kag Jungle Warfare and Mountain Operations Course.


Facebook Comments