Panibagong resolusyon para sa franchise renewal ng ABS-CBN, isinalang na

295

Nai-refer na sa House Committee on Legislative Franchises ang panibagong resolusyon para sa renewal ng prangkisa ng ABS-CBN.

Matapos ang pagbasura sa prangkisa ng giant network noong nakaraang taon ay muli itong isasalang sa unang pagbasa.


Sa pag-uumpisa ng sesyon ay binasa sa plenaryo ang House Resolution No. 8298 na inihain ni Deputy Speaker at Batangas 6th District Rep. Vilma Santos-Recto na naglalayong bigyan ng prangkisa ang Lopez led-company.

Inihain ni Santos-Recto ang panukala nitong Enero ng kasalukuyang taon.

Umaasa naman ang mga nagsusulong ng panibagong 25 taong prangkisa ng ABS-CBN na kakatigan na ito sa ilalim ng liderato ni Speaker Lord Allan Velasco.

Facebook Comments