Human sa pipila ka tuig nga pakigbisog sa mga lumad nga nanimuyo sa may purok 8 brgy. Sta. Isabel, ning atong dakbayan.
Kagahapon hingpit na gayod na gun-ob ang ilang pinuy anan, human nga ang ilang gipuy an gamiton na sa gobyerno.
Matod pa sa mga lumad nga nanimuyo sa maong dapit ang ge donar kini ni kanhi mayor sa atong dakbayan nga si Roseller L. Barinaga adunay gidak-on nga 6,000 metro kwadrado ug 8.5×14 m kada sub-lot.
Ang orihinal nga nag okupa sa maong luna mao si Rogelio Gumanas napirmahan kini niadtong april 1, 1986.
Apan matod pa ni Atty Arvin Bonbon ang city legal officer nga dugay na nilang gipahibalo ang mga nanimuyo sa maong dapit nga pahawaon na sila tungod kay gamiton na ang maong yuta aron tarukan sa opisina sa DILG.
Hinuon matod pa ni atty. Bonbon nga dili sila angay mabalaka tungod kay adunay man pud silay makuha ngacash assistance sa kantidad nga 10,000, lakip na usab ang food assistance gikan sa DSWD. Samtang kadtong mga boluntaryong miguba sa ilang panimalay makuha usab nila ang bayad bugti sa ilang pagtrabaho pinaagi kini sa payroll sa city goverment.
Ang mga apektado mao sila si Elena Alegria, Carlito Etol, Conchita Tubon, Leora Tubi, Nardo Ingol, Ornado Taang, Bebie Dalida, Neria Gumanas, Elizar Narvaja, Lita Ambato, ug si Melven Coronel ang ibalhin kini sila didto sa may brgy. Olingan aron didto na manimuyo uban sa ilang tagsa-tagsa ka mga pamilya.
