Davao City-Maayo ang pagdala ug nimarka ang pagpaningkamot ni Davao City Mayor Inday Sara Duterte-Carpio sa siyudad sa Dabaw sulod sa usa ka tuig sukad nga milingkod kini isip City Mayor.
Mao kini ang ebalwasyon ni Jayvie Cabajes sa Anakbayan SMR atol sa interbyu sa DXDC RMN Davao kaniya diin sumala niini, maayo ang pag-implentar sa mga balaud sa siyudad ilabi na bahin sa seguridad sa katawhan.
Apan dugang ni Cabajes, hinaut nga mahatagan og pagtagad sa Mayor ang ilang mga mulo ug mga panawagan ug paminawun ang mga mag-uuma, mga trabahante, ug mga estudyante atol sa ilang ginapahigayong lihok-protesta aron dali kini mapaabot kang Presidente Rodrigo Duterte ug aron dali ra sab maresolba og unsa man ang ilang mga panawagan.
Ugmang adlawa, Setyembre 12, himuon ang unang State of the City Address (Soca) sa Mayor nga ipahigayon sa Davao City Hall.
Kasamang Renz Barbarona
