Viral ngayon online ang pakikipagsapalaran ng isang pampasaherong bus sa rumaragasang baha sa Abulug, Cagayan.
Sa kuhang video ni Genesis Navarro, makikitang pinipilit ng drayber na dumaan sa mala-dagat na baha sa highway ng Barangay Calog Sur, sa naturang lalawigan.
Kuwento ng uploader, muntik nang tumirik ang bus habang sinusuong ang halos lampas tao na tubig-baha. Pero sa huli, mapayapa itong naitawid ng tsuper.
Matinding naapektuhan ang mga residente ng nasabing bayan makaraang bumuhos ang ulan na dulot ng tail-end cold front.
Batay sa pag-iikot ng Cagayan PDRRMO, mahigit 30 tirahan at ilang establisyimento ang nasira sanhi ng masungit na panahon.
Sa ngayon, umabot na sa mahigit one millions views ang makatindig-balahibong karanasan ng motorista at mga pasahero.
Facebook Comments
