Tampok ngayon sa social media ang ‘Bottle Cap Challenge’ kung saan tatanggalin ang takip ng bote nang hindi hinahawakan ng dalawang kamay.
Marami namang international stars ang gumawa nito at ibinahagi sa Instagram o Twitter tulad nila Kendall Jenner, Justin Bieber, Mariah Carey, John Mayer at iba pa.
Namangha ang mga netizen nang ipinarinig ni Mariah Carey ang kaniyang mataas at matining na boses na nagpa-angat sa takip ng bote. Sa kasalukuyan ay mayroon na itong 4 million views sa Instagram habang 30 million views sa Twitter na may 1.7 million likes.
Challenge accepted! #bottletopchallenge pic.twitter.com/Rygijd6z5W
— Mariah Carey (@MariahCarey) July 7, 2019
Mapapanood sa Instagram post ni Kendall Jenner na habang nakasakay sa isang jet ski at gamit ang paa ay natanggal nito ang takip ng bote.
Ipinakita naman ni Justin Bieber ang kaniyang kick sa kaniyang video na may 20 million views.
Tulad ni Justin Bieber, flying kick din ang paraan ni Ellie Goulding ng bottle cap challenge. Malapit na rin itong umabot sa 4 million views.
Si John Mayer ang huli na may 6.5 million views sa Instagram.
