Davao City – ‘Consuelo de bobo’ lamang ang subsidy sa petrolyo ngadto sa mga drivers ug mga operators sa mga de-pasaheroan ubos sa Pantawid Pasada Program sa gobyerno.
Mao kini ang paghulagway ni Transportation Workers Union National Coordinator Jaime Aguilar sa Pantawid Pasada Program cash vouchers nga gihatag ngadto sa mga drivers ug mga operators sa mga de-pasaheroan.
Matud ni Aguilar nga temporaryo lang nga sulbad sa kalisud sa mga drivers ug mga operator ang subsidiya sa kagamhanan gumikan sige og saka ang presyo sa produktong petrolyo karong panahona.
Ang Pantawid Pasada Program sa gobyerno dili maghatag og long-term solution sa pagmahal sa mga palaliton apan usa lamang kini nga band-aid solution.
Segun ni Aguilar, ang gikinahanglan nga tubag karon sa matag pagsaka sa presyo sa petrolyo ug sa mga palaliton mao ang mga konkretong programa alang sa mga drivers ug mga operators.
Maayo sab kun i-regulate pag-usab ang industriya sa petrolyo sa nasud aron sa ingon dili makasi-aw ang mga kapitalista sa pagtaas sa presyo sa ilang produktong petrolyo.
Sanglit nagkasinabot lang ang mga kumpanya sa pag-usbaw sa presyo sa mas taas pa nga kantidad itandi sa i-kibhang sa presyo sa produktong petrolyo.
Dugang pa ni Aguilar, mas maayo kun dili na lang ipadayon sa kagamhanan ang pagpatuman sa Transport Modernization Program aron dili na maapektohan og maayo ang mga anaa sa transportasyon sa nasud.
RadyoMaN Joel Viray
