Davao City – Posible nga anaa sa P20,000 ang budget sa Pantawid Pasada Cash Card karong 2019 alang sa mga drivers gikan sa P5,000 nga budget sa nakalabay nga tuig.
Kini ang gibutyag ni Atty. Cattleya Acaylar, ang Regional Director sa Land Transportation Franchising ang Regulatory Board (LTRB)-XI sa pakighinabi sa DXDC RMN Davao.
Segun ni Acaylar nga kini ang gibutyag usab ni LTFRB Chairman nga si Martin Delgra III, nga anaa sa P20,000 ang tentative budget sa cash card karong 2019.
Matud pa ni Acaylar nga posibleng resulta sa maong pag-increase ang income sa fuel tax nga gipatuman sa nakalabay nga tuig.
Gisaysay usab sa opisyal nga nagapadayon ang pag-release sa ilang opisina sa cash card diin kadtong wala naka-claim sa milabay nga tuig, mamahimo kining i-claim karon diin awtomatik nga madugang o ma-accumulate ang P5,000, sa budget sa cash card karon nga tuig.
RadyoMaN Kirby Manzon
