Sa interbyu sa DXDC RMN Davao kang Nick Bryan Patalinghug, head sa Rescue Team, giila niini ang biktima nga si Henry Canopin, 68 anyos, residente sa Pagadian City, human na-retrieve ang lawas niini alas 3:02 sa hapon niadtong Huwebes (Marso 10, 2022).
“Backhoe among gigamit sa Province. Mao ‘toy hinungdan nga nakuha gyud didto sa ilalom (ang biktima). Mga siguro dili muminus sa kapin duha ka dupa ang iyang nalubngan sa ilalom. Tungod sa atoang backhoe nakuha gyud siya,” matud ni Patalinghug.
Nasayrang pag-umangkon sa senior citizen si Crisanto Canopin, 47 anyos nga na-retrive alas 2:30 sa hapon niadtong Miyerkules (Marso 9, 2022).
Gisiguro usab sa Pantukan Emergency Response Team nga adunay spotter o look out sa taas nga bahin samtang ginahimo ang retrieval operations. Adunay mga sundalo usab sa area alang sa paghatag og seguridad sa rescue team.
Gidugang sa rescue team, wala pay mando o direktiba ang Local Government Unit (LGU) Pantukan nga undangon ang retrieval operations nga sagad ginahimo human sa tulo ka adlaw, ilabina nga aduna pay nabiling usa ka biktimang minero sa landslide area.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
