Pantyon gintabok sa baha para lang malubong sa patyo ang patay

64

CANDONI, NEGROS OCCIDENTAL – Wala nakapugong ang mabaskog nga ulan kag baha sa paglubong kay Tatay Aderiano “Ading” Guaro, 59 anyos sang banwa sang Candoni, Negros Occidental.

Nag-upod sa kompanyar ang mas o menos 100 sini ka mga abyan kag pamilya sa diin ginlakat nila ang 9 ka kilometro gikan sa Sitio Paglaum, Barangay Payauan padulong sa Our Lady of Lourdes Parish church sa banwa para sa isa ka misa antis ini ang ginlubong sa Municipal Cemetery.

Gintabok pa nila ang lungon sa isa ka overflow nga lapaw sa hawak ang tubi sa boundary sang Barangay Payauan kag East Poblacion las 3:30 ang takna sang hapon kahapon kag ginlakat pa gid ang 3 ka kilometro padulong sa simbahan.

Magluwas sa overflow nga gintabok sang mga nagkompanyar, naglusong pa ini sila sa isa ka bahin sang dalan sa diin ang tubi, taga hawak.

Si Tatay Ading, isa ka mangunguma nga napatay sa komplikasyon sa tonsil.

Facebook Comments