Panukalang batas para sa kapakanan ng mga guro sa private school, isinulong sa Kamara

Hinikayat ni Solid North Partylist Rep. Ching Bernos ang liderato ng kamara at kapwa mga kongresista na ipasa ang House Bill No. 3116 o panukalang Magna Carta for Private School Teachers.

Diin ni Bernos, tugon ang kanyang panukala sa sakripisyo ng mga private school teachers sa gitna ng kawalan ng financial security at pag-usad ng kanilang career.

Nakapaloob sa panukala ni Congresswoman Bernos ang pagtakda sa anim na oras na pagtatrabaho ng mga guro kada araw o hindi lalagpas sa walong oras at pagbibigay sa kanila ng hardship allowances.

Tiwala din si Bernos na tugon ang kanyang panukala sa exodus o pag-alis ng mga guro sa pribadong sektor dahil hindi sapat ang kanilang sweldo, kulang sa mga benepisyo at proteksyon.