Manila, Philippines – Itinanggi ngayon ni Paolo Ballesteros ang reports na hiwalay na siya sa rumored boyfriend nitong dancer na si Roland Ochoa Anog.
Pinabulaanan din ng kampo ng Eat Bulaga host na nakabuntis daw si Roland kaya hiniwalayan siya ni Paolo.
Nabatid na nagsimula ang espekulasyong hiwalay na sina Paolo at Roland dahil sa magkahiwalay na Instagram posts nila.
Noong linggo, May 28 nag-post si Paolo ng larawan ng dalawang braso na may identical tattoos, na kapag pinagtabi ay maghuhugis-puso na may pakpak.
May maikling caption dito ang actor-tv host na “that’s it pancit.”
Kinabukasan, May 29, si Roland naman ang nag-post sa kanyang instagram account ng larawan nila ni Paolo na tila kuha sa isang bakasyon.
Caption dito ng dancer: “thanks for the memories!”
