Davao City – Gideklarang ‘relatively peaceful’ na ang estado sa Paquibato District ning syudad sa Davao.
Kini karon ang gipamahayag ni 16th Infantry Battalion CO Lt. Col. Darren Comia atol sa gipahigayong AFP-PNP Presscon karong adlawa.
Sumala ni Comia, wala nay nakitang armadong grupo sulod sa tulo ka quarters sa maong distrito gumikan usab sa joint effort sa Philippine National Police (PNP) ug Armed Forces pf the Philippines (AFP).
Gipasabot ni Comia nga aduna pay kulang nga development ang Paquibato aron madeklara nga communist-terrorist free diin gikinahanglan nga nihaum sa ilahang parameter sama sa pagmugna og Internal Territorial Defense System (ITDS) ug koordinasyon sa militia ng bayan.
Gani mapasalamaton ang commanding officer sa 16th IB gumikan sa pagkamugna sa Peace 911 kinsa tumong nga makigkoordinar sa rebeldeng CPP-NPA-NDFP alang sa pagkab-ot sa tumang kalinaw.
RadyoMaN Jason Amisola
