Suma ni Paquibato PNP Chief of Police Major Joenel Pederio, makonsiderang sulbad na kon closed case na ang kaso sa brutal nga kamatayon ni Alyas Inday human nadakpan ang suspek nga si Anacito Tupas kinsa uyoan sa pag-agawan ra sa biktima.
Giingon ni Pederio, wala ra maabti og 24 oras dayon nasulbad nila ang kaso kini hatud sa tabang sa mga tawo nga naghatag kanila og kasayoran labot sa kadudahang lihok sa uyoan hinungdan nga nahimo kining person of interest sa ilang imbestigasyon.
Segun ni Pederio, naghatag kanila og dakong teorya ang wa’y pagpakabana sa nahitabo sa iyang pag-umangkon nga kon buot hunahunaon atoa na kini sa hitaboan sa pangpang sa Sitio Lubas kung asa nakita ang patay’ng sa biktima.
Mas na konbinsi pa ang kapulisan ang wala nagkadimao nga rason niini hinungdan nga giimbitahan sa istasyonan si Tupas.
Atol sa intorigasyon, giingong naipit sa mga pangutana ang suspek maong mikanta kini nga siya ang mipatay sa bata dungan sa pagtug-an niini nga iya sab gilugos ang biktima.
Gipasalamatan sa opisyal ang mga tawo nga nakigkooperar kanila sanglit naghatud kini sa paspas nga pag-ila ug pagkasikop sa suspek kinsa gipasakaan na og kasong murder ug statutory rape sa piskalya sa miaging adlaw.
RadyoMaN Joel Viray
